ОХУ-ын Монгол Оюутны Хөгжлийн төв

Описание

Товч танилцуулга ОХУ-ын МОХТ нь 2001 оны 11 сард байгуулагдсан. Олон Улсын оюутны түгээмэл тунхаглалаар оюутнуудад олгогдсон улс төр, нийгэм эдийн засгийн эрхийг хамгаалах, суралцах боломжийг нэмэгдүүлэх, нийт оюутны дуу хоолой, үзэл бодол,ашиг сонирхлыг илэрхийлэх, тэдний чөлөөт цагийг зөв боловсон өнгөрүүлэх зорилготой. Удирдах зөвлөлийн 24 гишүүнтэй. Өнөөг хүртэлх ОХУ-ын МОХТ нь жил бүр уламжлал болгон хийсэн ажлаас дурдвал: -ОХУ-д суралцахаар ирсэн оюутнуудыг Москва хотноо болон бусад хотууд уруу явахад нь туслах, оюутнуудынхаа дунд авъяас чадвар, авхаалж самбаа сорьсон "Дэвжээ" уралдаа, тэмцээн зохион байгуулах, мөн оюутнуудын чөлөөт цагийг зөв боловсон сонирхолтой өнгөрүүлэх үдэшлэг, спортын /сагсан бөмбөг/ болон танин мэдэхүйн тэмцээнүүдийг зохион явуулсаар ирсэн. -2002 оноос хойш Улаанбаатар хотод 8-р сард "Бид эх нутагтаа" өдөрлөгийг тогтмол зохион байгуулж байна. Үүнд: Шинээр ОХУ-д суралцахаар явж буй залуустай уулзалт, ярилцлага зохион байгуулахаас гадна "Цэвэрхэн хот" аяны хүрээнд хотын орчин тойрныг цэвэрлэдэг. Өнөөдрийн байдлаар ОХУ-д хувийн болон улсын зардлаар 2600 орчим залуу боловсон хүчнүүд бэлтгэгдэж байна. Үүнээс 600 гаруй оюутнууд Москва хотод суралцдаг. ОХУ-ын МОХТ –ийн Гүйцэтгэх албаны гишүүдийн танилцуулга Тэргүүн : О.Наранбаатар (МЭИ) 4-р курс Дэд тэргүүн: Б.Баяржавхлан (РУДН) 4-р курc