ШУНДЫСИОС нылпи движение

Описание

Пинал удмурт азьветлӥсьёс понна "Шундысиос" мерлыко движение - со луонлык быдэс ар ӵоже пыриськыны удмурт ужрадъёсы но герӟет возьыны пӧртэм школаосысь удмурт пиналъёсын. Движение пыриськыны быгатэ котькуд мылкыд карись школа. Мар со понна кароно: 1. куратор (со быгатэ луыны воспитательной ужъёсъя директорлэн воштӥсез, удмурт кылъя дышетӥсь, библиотекаын ужась, котькуд мыло-кыдо адями) люка школаысь движение мыло-кыдо пыриськыны дась пиналъёсты; 2. гожтыны заявка (формаез Шунды сайтын, та бамын документъёс пӧлын вань), вӧзаз келяно ӵошен лэсьтэм туспуктэм; 3. келяны туспуктэмен заявкаез та адресэ: shundysios@yandex.ru 4. ар ӵоже мыло-кыдо пыриськыны ужрадъёсы (соослэн планзы котькуд ёзэтэ келямын луоз, сайтысь но та бамысь шедьтыны луоз). Котькуд ужрад сярысь ивор келяны Шунды сайтэ. 5. люканы баллъёс но сувениръёс, лагерьёсы путёвкаос, пӧртэм экскурсиос, пумиськонъёс, активистъёслэн слётазы ӧтёнъёс но мукет усто кузьымъёс утыны. Со сяна, ар ӵоже удмурт пиналъёсын одӥг тулкым вылын улоды-ужалоды! Усто сюрес, удмурт дышетӥсьёс но пиналъёс!